چارمینار بینک کے ملازمین کو معاوضہ ادا کرنے ہائی کورٹ کی ہدایت

حیدرآباد۔ 31۔ جنوری (اعتماد نیوز) آندھراپردیش ہائی کورٹ نے ہدایت دی ہے کہ چارمینار کوآپریٹیو اربن بینک لمٹیڈ کو چاہئے کہ وہ ہائی کورٹ سے رجوع ہونے والے مستقل اور عارضی ملازمین کو معاوضہ ادا کرے۔ بینک کے 24 ملازمین کو راحت دیتے ہوئے جسٹس پی وی سنجے کمار نے کہا کہ بینک نے سال 2003 میں بینک کے تقریباً 350 ملازمین کی تخفیف کی تاہم عدالت کو ان ملازمین کے تعلق سے کہنا نہیں ہے جنہوں نے بینک کی کارروائی کے خلاف احتجاج نہیں



کیا۔ ایس سرینواس ریڈی دیگر 23 ملازمین بینک نے ان کی برطرفی کو اپیلیٹ اتھاریٹی میں چیلنج کیا۔ اپیلٹ اتھاریٹی نے کہا کہ بینک نے ملازمین کو خدمات سے برطرف کرنے میں قانون کی خلاف ورزی کی۔ یہ رولنگ دی گئی کہ صرف معاوضہ کی ادائی ناکافی ہے اور بینک کو ہدایت دی تھی کہ وہ تمام ملازمین کی خدمات کو جاری رکھے اور منفعت دی جائے۔ یہ ملازمین بینک کے خلاف ہائی کورٹ سے رجوع ہوئے تھے اور ہائی کورٹ نے 24 ملازمین کو معاوضہ ادا کرنے کی ہدایت دی۔